Ödəmə mənbəyindən vergi (ÖMV)
Tarix: 30.01.2026
Oxuma saatı: ~10 dəq.
1C: Azərbaycan üçün Mühasibatlıq sistemində ÖMV-nin əks olunması
1C: Mühasibatlıq 3.0 (Azərbaycan üçün) sistemində “Ödəmə mənbəyindən vergi dərəcələri” bölməsində qüvvədə olan ÖMV dərəcələri təqdim olunur:
▷ İcarə
▷ Dividendlər
▷ Qeyri-rezident
▷ Qeyri-rezident nəqliyyatçı
▷ Royalti
▷ Fiziki şəxs
Zərurət yarandıqda, mövcud vergi dərəcələrini müəyyən tarixdən etibarən dəyişdirmək və ya eyni adlı məlumat kitabçasında ÖMV-nin yeni növünü əlavə etmək mümkündür.
Ödəmə mənbəyindən verginin (ÖMV) hesablanması üçün “Malların və xidmətlərin daxil olması” sənədində “Xidmət” növünü seçərək, həmin sənəddə ÖMV-nin müvafiq növü göstərilmiş müqaviləni seçmək lazımdır. Bunun üçün “Təşkilat ƏDV-nin ödənilməsi üzrə vergi agenti kimi çıxış edir” adlı rekvizit aktiv edilməlidir.
▷ Xərclər hesabı
▷ Hesabın analitikası (xərc maddəsi və şöbə)
▷ Verginin ödənilməsi sxemi: “Vergi məbləğə daxil” və ya “Vergi məbləğdən əlavə”
▷ Hər bir sxem üçün müvafiq sazlamalar (ƏDV məbləği hesablanarkən verginin nəzərə alınıb-alınmaması, verginin xidmətin daxil olması (invoys) zamanı və ya onun ödənişi zamanı hesablanması)
1C: Mühasibatlıq (Azərbaycan üçün) 3.0 proqramında “Malların və xidmətlərin daxil olması” və “Hesablaşma hesabından xaric olma” sənədlərində ödəmə mənbəyindən verginin (ÖMV) müxtəlif ödəniş sxemləri üzrə (məbləğə daxil və ya məbləğdən əlavə) əks olunmasını nəzərdən keçirək.
Məsələn:
Ödəmə mənbəyindən verginin növü: Qeyri-rezident – 10%
Məbləğ: 100 USD
1.ÖMV məbləğin daxilində
Vergi məbləği = Ümumi gəlir × Vergi dərəcəsi
100 USD × 10% =10 USD – verginin məbləği
Verginin hesablanması “Malların və xidmətlərin daxil olması” sənədində həyata keçirilir. Müvafiq müqavilə seçildikdə, sənədin başlıq hissəsində verginin məbləği və dərəcəsi əks olunur.
“Malların və xidmətlərin daxil olması” sənədində hesabların müxabirləşməsi - kreditor borcunun hesablanmasıdır.
“Hesablaşma hesabından xaric olma” sənədi.Sənədin formasında vergi dərəcəsi, verginin məbləği və vergi hesabı əks olunur.
“Hesablaşma hesabından xaric olma” sənədində hesabların müxabirləşməsi -ödəmə mənbəyindən vergi (ÖMV) nəzərə alınmaqla kreditor borcunun ödənilməsi və ÖMV-nin hesablanması.
Sənədin formasında verginin məbləği və vergi hesabı göstərilir.
“Hesablaşma hesabından xaric olma” sənədində hesabların müxabirləşməsi - əməliyyat növü: “Verginin ödənilməsi”.
Vergi məbləği = (100 × Ümumi gəlir) / (100 – Vergi dərəcəsi) – Ümumi gəlir
(100 × 100 USD) / (100-10) -100 USD = 11,11 USD – vergi məbləği
“Malların və xidmətlərin daxil olması” sənədində verginin hesablanması
“Malların və xidmətlərin daxil olması” sənədində hesabların müxabirləşməsi - kreditor borcunun və ödəmə mənbəyindən verginin (ÖMV) hesablanması.
“Hesablaşma hesabından xaric olma” sənədi
“Hesablaşma hesabından xaric olma” sənədində hesabların müxabirləşmələri - ödəmə mənbəyindən vergi (ÖMV) nəzərə alınmaqla kreditor borcunun ödənilməsi.